Canin Mitçel Kolumbiya Universiteti nəzdindəki Enerji, Dəniz Nəqliyyatı və İctimai Siyasət Mərkəzinin (CEMTPP) elmi tədqiqatçısıdır və hal-hazırda CEMTPP-nin Dünya Enerjisinin İdarəsi proqramı üzərində çalışır. 2009-cu ilin iyul ayında xanım Mitçel Azərbaycan Respublikasının Prezidenti yanında Strateji Araşdırmalar Mərkəzində Qonaq Elmi İşçilərin Mübadiləsi Proqramı çərçivəsində elmi tədqiqatlar aparmışdır. Onun tədqiqat işi Avropa enerjisinin idarəsi üzrə təşəbbüslər, Azərbaycanın bu təşəbbüslərə münasibəti və Avrasiyada enerji əlaqələrin gələcəyinə dair ssenarilər hazırlaması üzərində qurulmuşdur.
